في عشق البلاد وحال العباد
لفيت في سكك وحوارى البلاد
انادى من لسه بيحب ارض الاجداد
رد عليا السكوت ومناظر الحداد
قلت ياخوانى ياما مرت ايام شداد
رد الحكيم وقال وكانت علينا اعياد
بس يا ولدى راحت الروح وفضل الجماد
ايامى رغم ظلم واستعمار واستبداد
كان الفلاح رافع راسه وحسه بكل عناد
ويقول بلدى الارض العرض قوت الولاد
ويوم الندا يلبى انا برقيتى ليكى سداد
وايامك خلاص باع الارض عيال عواد
جالك يوم يا مصر تتباعى بالمزاد
والعرض بقى على الهوا ولا انتن قواد
ولا قوت ولا دوا بتشحتوا ميه وزاد
بقى همكوا في يوم ترحلوا وبتحلموا بالبعاد
بقيت الكلمة فيكى للمال والحريم والجلاد
بقيتوا عبيد للواطى راح زمن كنا اسياد
بايدك يا ولدى زرعت وجه يوم الحصاد
انت اللى من الاول رضيت وسبت الفساد
وبتشكى وتقول ياريت زمانا عليكوا ينعاد
بكره هيلعنك عيالك ويكرهك الاحفاد
انت اللى خليتهم هيعيشوا ايام سواد
عرفت بقى ليه السكوت وليه الحداد
عرفت ليه هرب حبها من الفؤاد
كل البشر بقى همها في الزواد
ونسوا ان الحر بعزته ماله بيزداد
وبالذل شعوب الارض يوم تنباد
يابنى لو عايزين بجد زمن الامجاد
اعرفوا انكوا ولاد اعظم الاجداد
وان كل واحد فيكوا اشد من ابن شداد
حنوا على بعضكوا وجمعوا قلوب واياد
اشتغلوا واتوكلوا على رب العباد
ولا ترضوش بالهوان ده انتوا اسود من ضهر اسياد محمود عبدالله المصرى |
بداية
