لو لم لكن مصريا لوددت ان اكون امريكيا

خلاص كده بانت وبقت مفقوسة عينى عينك

لا تقولى لا مصر ولا دولة من كله نفض سيبك

امريكا ست الكل ولو مش مصدق  احكيلك

كان فيه ممر اسمه قناة السويس والعنوان مصر

حفروها جدودك بايديهم تحت الظلم والقهر

وفيها ماتوا وادفنوا وهما بيحبوها وكلهم فخر

عشان يخلوها باب الشرق والغرب مدى الدهر

وتبقى بلدهم بوابة العالم في كل اوان وعصر

واظنك تسمع في اكتوبر كانت هى مفتاح النصر

بس اه يا جدى لو كنت تعرف اللى هيجرى عليها

كنت حاربت ولا حد يمد ايده يحفر شبر فيها

عدت كتير مراكب حربية فوقيها وغواصات تحتيها

بترول ونووى وكله بيرمى مخلفاته ولا كانه شاريها

وكمان رايح يحارب بلادى بلاد العرب ويقتل اهاليها

والاسم مصرية عربية و الاتفاقيات بتلعب بينا وبيها

اه يا جدى لو كنت تعرف ان من عيالك فيها هيموت

عشان رايح كالعادة قى يوم يطفح الدم و الكوت

وكل أمله يرجع لعياله بكام سمكة بلطى ولا لوت

بس لقى قدامه سفينة من بتوع السلطان الحوت

يقوله بوقاحة  ايش جابك هنا يا عبد يا هلفوت

انت مش عارف ان محدش من غير اذنى يفوت

وكان جزاته يتقتل  بكل برود وقسوة وجبروت

وطبعا الرد معروف لكى الطاعة وعلينا السكوت

انما نحن عبيدك امريكا ويدفعنا للامام منك شلوت

فانعمى علينا به ثم اغدقى من كرمك كام سحتوت

اخطا فلم يخضع ولثمن الرصاص يدفع ويحرم عياله القوت

ذلك حكمنا في القتيل مبسوطة ولا نقول ابدا لم يموت

فينك ياالأدهم  كنت وقفتلهم وخدت تاره ولو بالنبوت

اعذرونى بقى انا هسمى نفسى الخواجة سفروت

ولا اعرف يوم سعد ولا عرابى او حتى حتشبسوت

خلاص عرفت اخرها وراح اهرب طوالى

على امريكا وهقول في حبها واناجيها ايام وليالى

وهاجى في يوم تانى مصر واللى هشوفه قبالى

هدوسه بجذمتى انا بقيت من اعيان الباب العالى

وعشان ارضى عنكو لما تشوفونى توطوا طوالى

ولو سالتوا ايه السبب هقول زى فرعون

ما وجدنا من يصدنا ورضيتم افنحن مفترون

لقد ابحنا لكم باموالكم  انكم في حمانا تحتمون

وصرحتم لنا انكم في خدمتنا منعمون تنعمون

ألا انكم لانفسكم الظالمون ولستم المظلمون

ولو مش عاجبكوا اعصروا علي نفسكوا لمون

بذمتكوا لو فضلت ابقى مصرى مش ابقى مجنون

وعجبى!!!!!!!!!!!!!!!!!!!!!!!!!!!!!!

                                                                                                محمود عبدالله المصرى